KELIBIMA: ක්‍රිකට් පස්සට පළිගැනීම පෙරට | Cricket

Wednesday, May 2, 2018

ක්‍රිකට් පස්සට පළිගැනීම පෙරට | Cricket

සුපිරි පළාත් එක්දින ක්‍රිකට් තරගාවලියට ලසිත් මාලිංග එක්වූයේ නැත්නම් ඉදිරි තේරීම් කටයුතු සදහා සළකා බැලීමක් සිදු නොකරන බව ශ්‍රී ලංකා ක්‍රිකට් ආයතනය පවසා තිබේ.


ලසිත් මාලිංග නම් කර ඇත්තේ අන්තර් සුපිරි පළාත් එක්දින ක්‍රිකට් තරගාවලියේ දඹුල්ල කණ්ඩායමටය.

මේවන විට ලසිත් ඉන්දීය ප්‍රිමියර් ලීග් ක්‍රිකට් තරගාවලියට එක්ව සිටින අතර ඔහු මේ වසරේදී ශ්‍රී ලංකා ක්‍රිකට් ආයතනයේ ගිවිසුමගත ක්‍රීඩකයන් අතරට ද එක්ව නොතිබිණි.

එබැවින් ඔහු ඉන්දීය ප්‍රිමියර් ලීග් ක්‍රිකට් තරගාවලියට එක්ව ඇත්තේ ශ්‍රී ලංකා ක්‍රිකට් ආයතනයේ අවසරයක් ලබා නොගෙනය.

ඉදිරි තේරීම් සදහා සළකා බැලීමට නම් දේශීය එක්දින ක්‍රිකට් තරගාවලියට මාලිංග අනිවාර්යයෙන්ම ක්‍රීඩා කළ යුතු ශ්‍රී ලංකා ක්‍රිකට් ආයතනය පවසන බව වාර්තා වේ.

කෙසේවුවද, මේ සම්බන්ධයෙන් අප ක්‍රිකට් ප්‍රවීනයකුගෙන් කළ විමසීමකදී ඔහු කියා සිටියේ වත්මන් ක්‍රිකට් පරිපාලනය ක්‍රීඩකයන්ගෙන් පළිගන්නා බව පෙන්වීමට මෙය කදිම නිදසුනක් බවයි.

මේ තරගාවලිය අද (02) ආරම්භ වූ අතර අදාළ ප්‍රකාශය කිරීමට තරගාවලිය ආසන්නයට වන තෙක්ම බලා සිටීමෙන් මාලිංග ගෙන්වා ගැනීමට වඩා ඔහුට ක්‍රීඩා කිරීමට අවස්ථාව නොදීම ක්‍රිකට් බලධාරීගේ අදහස බව පෙනී යන්නේ යැයි ඔහු වැඩිදුරටත් කියා සිටියේය.