KELIBIMA

Wednesday, May 9, 2018

ශ්‍රී ලංකා වාර්තාවක් තැබූ 4X100 සහාය දිවීමේ බාලිකා කණ්ඩායම ජපාන සංචාරයෙන් ඉවතට

ලබන ජූලි මස 7දා සිට 10දා දක්වා ජපානයේදී පැවැත්වෙන ආසියානු කනිෂ්ඨ මලල ක්‍රීඩා ශූරතා තරගාවලිය සඳහා ක්‍රීඩක ක්‍රීඩිකාවන් 12 දෙනකුගෙන් යුත් ශ්‍රී ලංකා කණ්ඩායම ප්‍රකාශයට පත් කර ඇතත් පසුගියදා ශ්‍රී ලංකාවේදී නිමාවට පත්වූ දකුණු ආසියානු මලල ක්‍රීඩා ශූරතා තරගාවලියේදී රන් පදක්කම් දිනාගත් අය අතරින් මීටර් 4ඔ100 සහාය දිවීමේ බාලිකා කණ්ඩායම පමණක් ජපාන සංචාරයෙන් ඉවත් කිරීම මවිතය දනවන කරුණකි.

Wednesday, May 2, 2018

ක්‍රිකට් පස්සට පළිගැනීම පෙරට | Cricket

සුපිරි පළාත් එක්දින ක්‍රිකට් තරගාවලියට ලසිත් මාලිංග එක්වූයේ නැත්නම් ඉදිරි තේරීම් කටයුතු සදහා සළකා බැලීමක් සිදු නොකරන බව ශ්‍රී ලංකා ක්‍රිකට් ආයතනය පවසා තිබේ.


ලසිත් මාලිංග නම් කර ඇත්තේ අන්තර් සුපිරි පළාත් එක්දින ක්‍රිකට් තරගාවලියේ දඹුල්ල කණ්ඩායමටය.

Thursday, March 29, 2018

මාලිංග පුහුණුකරුවෙක් වෙයි : Lasith Malinga

මෙවර ඉන්දියන් ප්‍රිමියර් ලීග තරගාවලියේ ක්‍රීඩක වෙන්දේසියේදී අලෙවි නොවූ ශ්‍රී ලංකා සුපිරි වේග පන්දු යවන ක්‍රීඩක ඔහු නියේජනය කළ මුම්බායි ඉන්දියන්ස් කණ්ඩායම විසින් පන්දු යැවීමේ උපදේශකයෙක් ලෙස කණ්ඩායමට එක්කර ගත්තේය.

Wednesday, March 21, 2018

අපිට ලංකාවේ ප්‍රේක්ෂක සහයවල් ඕනි නෑ - අපි දිනන්න දන්නවා - ෂකීබ් අල් හසන් කියපු කතාව

අපි වෙනත් රටකදි ප්‍රේක්ෂකයන්ගේ සහයක් බලාපොරොත්තු වෙන්නෙ නෑ. අපි ඒ ගැන අවධානය යොමු කරන්නේ නෑ යනුවෙන් බංගලාදේශ නායක ෂකීබ් අල් හසන් පවසනවා.

ඔහු මේ බව පැවසුවේ නිමාවූ නිදහස් කුසලාන අවසන් තරඟය පිළිබඳ අදහස් දක්වමිනුයි.

අවසාන තරගය නැරඹීමට 20000 අධික ප්‍රෙක්ෂක පිරිසක් ප්‍රේමදාස පිටියට රැස්ව තිබූ අතර ඔවුන්ගේ සහය ඉන්දියානු කණ්ඩායමට හිමිවුණා.

Tuesday, March 13, 2018

අපි සැලසුම් කළේ ඉස්‌සෙල්ලා තරග දෙක බලලා - පිතිකරුවකු නොසිටීමෙන් වැරදුණු කුරුමානම ගැන තිසර පෙරේරා කතා කරයි

නිදහස්‌ කුසලාන විස්‌සයි විස්‌ස ක්‍රිකට්‌ ශූරතාව ඉන්දියාවට හෝ බංග්ලාදේශයට අයිති නොවීමට නම් ශ්‍රී ලංකා පිලට තවත් පිට පිටම ජයග්‍රහණ දෙකක්‌ ලබා ගැනීම අනිවාර්ය වේ. කෙසේ වෙතත් පෙරේදා ඉන්දියාව සමග පැවැති තරගයේදී ශ්‍රී ලංකා පිතිකරු බල ඇණියේ සටන්කාමීත්වය ගිලිහී යැමෙන් නිදහස්‌ කුසලාන විස්‌සයි විස්‌ස අවසන් මහා තරග බලාපොරොත්තුව දෙපසට දෝලනය වෙමින් තිබේ.

ඉන්දියාව සමග පැවැති තරගයේදී කුසල් මෙන්ඩිස්‌ හැරුණු කොට ශ්‍රී ලංකා පිතිකරුවන්ට අවශ්‍ය ලකුණු සංඛ්‍යාව සටහන් කර ගැනීමට නොහැකි වීම පරාජයේ ප්‍රධාන තේමා පාඨය විය. 'අපේ මැද පෙළ කඩුලු දෙක තුනක්‌ ළඟ ළඟ දැවී ගියා. මේ කඩුල්ලේ පන්දු යවන්නන්ට සටනක්‌ දෙන්න නම් ලකුණු 175 ක්‌වත් ඕන. ඉතිං පිතිකරුවන් ඒ දේ නොකළාම හරි අමාරුයි පන්දු යවන්නන්ට අභියෝගයක්‌ දෙන්න.' යෑයි වැඩ බලන නායකයා වු තිසර පෙරේරා තරගයෙන් පසුව පැවසීය.

Monday, March 12, 2018

ශ්‍රී ලංකාව පැරදුනේ ඇයි? සුපිරි පන්දු යවන්නන් ඉවතට ගියේ ඇයි ? වගකිවයුත්තෝ කව්ද? : Nidahas Trophy 2018

‘නිදහස් කුසලාන’ තුන්කොන් විස්සයි20 ක්‍රිකට් තරගාවලියේ සිවුවැනි තරගය ලෙස ශ්‍රී ලංකාව සහ ඉන්දියාව අතර කොළඹ ආර්.ප්‍රේමදාස ක්‍රීඩාංගණයේදී ඊයේ (12 වැනිදා) පැවැති තරගයෙන් කඩුලු 6 ක් අත්කර ගැනීමට ඉන්දියාව සමත් විය. ජයග්‍රහණය සඳහා ලකුණු 153 ක ඉලක්කයක් හඹාගිය ඉන්දීය ක්‍රීඩකයෝ පන්දු 9 ක් ඉතිරිව තිබියදී කඩුලු 4 ක් පමණක් දැවී එම ඉලක්කය පසුකර ගියහ.

සිවුවැනි කඩුල්ල වෙනුවෙන් පන්දු 46 කදී ලකුණු 68 ක නොබිඳුණ සම්බන්ධතාවක් ගොඩනැගූ මනීෂ් පාණ්ඬේ (නොදැවී 42) සහ දිනේෂ් කාර්තික් (නොදැවී 39) ඉන්දීය කණ්ඩායමේ ජයග්‍රහණය පහසු කළහ. පන්දු 31 කට මුහුණදුන් පාණ්ඬේ හයේ පහරකින් සහ හතරේ පහර 3 කින් සිය ඉනිම සැරසූ අතර අතර පන්දු 25 කට මුහුණදුන් කාර්තික්ගේ ඉනිමට හතරේ පහර 5 ක් අන්තර්ගත විය.

Tuesday, March 6, 2018

ඉංදියාවට එරෙහිව T20 පළමු තරගයෙන් ශ්‍රී ලංකාවට කඩුලු 5ක විශිෂ්ට ජයක් : Srilanka 1st T20 Full Highlights 2018

තිස්දහසකට අධික ප්‍රේක්ෂක පිරිසකගේ ජයඝෝෂා මැද කොළඹ ආර්. ප්‍රේමදාස ක්‍රීඩාංගණයේ ආරම්භ වූ නිදහස් කුසලාන තුන්කොන් ක්‍රිකට් තරගාවලියේ පළමු තරගයෙන් ශ්‍රී ලංකාවට ජය අත්වෙයි. ආර්. ප්‍රේමදාස පිටියේ පසුගිය වසරේ පැවැති එක්දින තරග දෙකකදී හා විස්සයි 20 තරගයකදී ශ්‍රී ලංකාව පිට පිට පරාජය කළ ඉන්දියාව ඊයේ ශ්‍රී ලංකාව හමුවේ අසරණ වූයේ පන්දු 9ක් තිබියදී කඩුලු 5ක පරාජයකිනි.

ඉන්දියාව ඕවර් 20කදී කඩුලු 5කට ලබාගත් ලකුණු 174ට පිළිතුරු ලෙස ශ්‍රී ලංකා පිල ඕවර් 18.3කදී කඩුලු 5කට ලකුණු 175ක් ලැබීය. 

තරගයෙන් ශ්‍රී ලංකාව ජය ගැනීමට අවසන් පන්දු 25දී ලකුණු 35ක් ගත යුතු වුවද පසුව අවසන් ලකුණු 4 ලබා ගැනීමට පන්දු 10ක් ඉතිරිවූ පහසු ඉලක්කයක් බවට පත්විය. එම ජයග්‍රාහී ලකුණු හතර නොදැවී ලකුණු 15ක් ලබාගත් දසුන් ශානකගේ පිත්තෙන් වාර්තා වූ අතර තිසර පෙරේරා නොදැවී ලකුණු 22ක් ලබා සිටියේය. තිසර පන්දු 10කදී හයේ පහරක් හා හතරේ පහර 2ක් එල්ල කිරීම ශ්‍රී ලංකා ජයග්‍රහණයට කදිම පිටුබලයක් විය.